Rydym yn brosiect ymroddedig ar gyfer Gofalwyr Ifanc a Gofalwyr Ifanc Oedolion yng Sir Gâr, sy’n darparu cymorth i bobl ifanc rhwng 5 a 25 oed, waeth beth lle maent yn byw yn y sir. Gallwch gael cymorth drwy brosiect CCYC yn ogystal â chyfle i gwrdd â phobl eraill oedran tebyg sydd â phrofiadau cyffredin fel nad oes raid i chi deimlo’n unig neu’n unigedig fel y mae llawer o ofalwyr ifanc a gofalwyr ifanc oedolion yn ei wneud.

Rydym yn darparu cymorth ymarferol ac emosiynol, gweithgareddau seibiant a chlybiau/grwpiau cymdeithasol yn y gymuned i gwrdd â gofalwyr ifanc eraill. Mae’r clybiau hyn wedi’u lleoli ar draws y sir.

Mae ein tîm o weithwyr cymorth yn cyfarfod â gofalwyr ifanc a gofalwyr ifanc oedolion yn yr ysgol, coleg, yn y cartref, neu yn y gymuned ar gyfer cymorth 1:2:1, ac rydym yn cydweithio â sefydliadau lleol i sicrhau bod pobl ifanc yn cael yr holl gymorth cywir.

Gall y cymorth gynnwys:

• Gweithiwr allweddol ymroddedig sy’n darparu cymorth 1:2:1 yn eich cartref neu yn eich cymuned.
• Cynllun gweithredu unigol i’ch helpu i gyflawni newidiadau cadarnhaol yn eich bywyd.
• Gweithio mewn partneriaeth â gwasanaethau eraill sy’n gallu helpu.
• Helpu i gysylltu â darparwyr addysg a chyflogwyr i fynd i’r afael â phroblemau.
• Mynediad at rwydwaith cymorth gan gymheiriaid o’ch oedran sy’n wynebu problemau tebyg.
• Gweithgareddau, teithiau ac achlysuron.
• Cyfeirio a gwasanaethau gwybodaeth, gan gynnwys adnoddau ar-lein.
• Grwpiau sgiliau bywyd fel adeiladu hyder a llesiant.